قولوا يا عسكر كنتم فين؟
لما اندبح المصريين؟
دولا مين ودولا مين؟
دولا عساكر خوانين
فتحوا ابواب المساجين
سابوا علينا بلطجيين
دولا مين و دولا مين؟
دولا العسكر مصريين؟
أهل المحروسة باتوا خايفين
و عملوا لجان الشعبيين
والجدعان ما كانوش نايمين
كانوا فى نص الليل واقفين
و على بيوتهم بصاصين
اه يا كبير البصاصين
فين ترح يوم الدين؟
خلا العسكر منسحبين
دولا مين و دولا مين؟
يمكن عسكر مظلومين
حربية مسكت حرميين
وكانوا جنب المصريين
دولا مين و دولا مين؟
دولا الجند الشجعانين
صبح الصبح و العسكر فين؟
قالوا يا مصر احنا اسفين
بعد ما كنتم خوانين؟
دولا مين و دولا مين؟
دولا العسكر ندمانين
