قالوا زمان عن الأم دي مدرسة
اتاريها لعب وفن وهندسة
العبارة هى ان الست الحركة كويسة
دماغها كبيرة و مع العيال مهيسة
كتب تتألف و مقالات كتير
وع النت و الراديو و عبر الأثير
ازاى ترضع و تغير للصغير
و رغى و شرح وكلام كبير
و توعية و ارشاد واياك و النفسية
لا تكشر فى وش الواد وتجيبله حساسية
ويتمقت ويكتئب ولا يلعب استغماية
خد الكلام دي اسس التربية
زمان الست يمكن تكون أمية
وتطلع برضه رجالة مية مية
تشوف عيالها وتقول عنية
و لليوم اللى يكبروا فيه قاعدة مستنية
الأم فطرة وقلب عظيم وحنان
حتى لو العيال جابولها جنان
تفضل هى ليهم حضن الأمان
بسلازم متنساش الاخلاق كمان
ممكن وسط الرغى و الكلام
ولومعرفهاش فى صغره يبقى عليها السلام
والأم هى اللى عليها الملام
الأخلاق هى اللى باقية مهما زادوا فى العلام
ليست هناك تعليقات:
إرسال تعليق